الشخص اللي في الصورة دي –إللي هو أنا- هو هو نفسه إللي في الفيديو ده في الدقيقة 1:25
Egypt: A New Spirit of National Pride
تحديث –كلام فارغ و ضحك على الدقون-: قامت القوات المسلحة بعمل تحقيق فيما جرى معي. رجاء قراءة الموضوع
UPDATED: You can read the English translation of this post here. Thank to my sisters Mona Abdulfattah & Alia Mosallam.
مقدمة شكر
أنا هبتدي بالإشادة بالمعاملة الطيبة في المجموعة 28 نيابات عسكرية و أيضا بالإحترام و حسن المعاملة الكريمة في نهار 26 فبراير لما إترحلنا على مقر إدارة الشرطة العسكرية. الصراحة تعامل سيادة اللواء مدير إدارة الشرطة العسكرية و السادة الضباط و الأفراد كان في غاية الكرم. و تعاملوا معنا على أساس إننا ضيوف ولسنا مجرمين.
و شكر للسيد اللواء مدير إدارة الشرطة العسكرية لأنه إهتم بحالتنا –الناس الذين تم الإعتداء عليهم بالضرب المبرح- في فجر نفس اليوم و أرسلني أنا و شخص آخر لمستشفى كوبري القبه برفقة أحد الضباط المحترمين من نفس الإدارة للكشف و عمل الأشعة اللازمة للتأكد من سلامتنا.
و في نفس الوقت أرسل الباقين في ميني باص خاص بالإدارة إلى ميدان التحرير.
ماذا حدث قبل فض الإعتصام
وصل عددنا في الليلة دي إلي أقل من 150 شخص. على الساعة 11:30 مساء يوم 25 فبراير أفراد الجيش عملوا كردون علينا لكن بدون أي تجاوزات و صديق لي رأيه إنهم عملوا كدة لحصر عددنا عند مجلس الوزراء. و فضوا الكردون على الساعة 12:15 بعد منتصف الليل من يوم 26 فبراير. في الوقت ده جت أخبار عن إن إعتصام ميدان التحرير تم فضه بعنف. في حوالي الساعة1:30 بعد منتصف الليل إبتدى الجيش يستعمل عصيان الكهربة في فض الإعتصام وطبعا جرينا. إللي حصل إن أفراد الجيش جنود و ضباط كانوا بيفضونا بالزق و الضرب -شلاليت-
كيف تم القبض علي
وأنا بجري وقفت أشوف واحد من الشباب اللي وقعوا. جالي ضابط راح ضربني و زقيني فقولتله “متضربش و أقبض عليه” فقالي “ تعالى يا روح أمك”.
وخذوني على مجلس الوزراء حتى دخلوني الجراج و إبتدت مرحلة التعذيب البدني و المعنوي
هذا ما حدث في جراج مجلس الوزراء
إتفاجئت بكم أفراد الجيش اللي كانوا نزلين ضرب في الرجالة في الجراج. وقلت يمكن بلطجية مكملتش التفكير و لقيتهم بيسحبوني بقوة و بيقولولي “إرقد على الأرض” و إبتدوا ضرب في برجليهم في كل حتى في جسمي و وجهي. فقمت بحماية وجهي من الضرب ولكن أحد الضباط رفع إيدي و داس على وجهي في الأرض و ربطوا إيدي ورا ظهري و نزلوا ضرب في وجهي برجلهم كإن رأسي كرة قدم. شارك في الضرب للجميع ضباط (ملازم و ملازم أول شباب) و صف ضباط و جنود.
غيري بقى شافوا أسوأ، منهم من تم تعريته في البرد و رشه بالماء و ضربه! و آخر ضربوه حتى خلعوا كتفه و أخرون تم كهربتهم بالعصي الكهربائية. و آخر قال أنا عندي القلب فردوا عليه بـإيه اللي منزلك المظاهرات و شالوا إيده من على قلبه و ضربوه مكنها!
في صوت رتبه واضح إنها كبيرة جه مرتين وقال محدش يضرب حد تاني! و أول ما مشي إبتدى العجن تاني! أيا كان هذا الشخص فلقد خالفوا أوامره أو إنها تمثيلية حيث لم يكن هناك من يباشر تنفيذ الأمر!!
هذا ما كان يقال في جراج مجلس الوزراء
الأخطر من الضرب و السب الكلام الغير مسؤول اللي كان بيردده الضباط و الأفراد إللي كانوا بيضربونا. أول ما دخلت لاحظت إنهم مركزين معانا على أسطوانة الخونة و العملاء فكان ضابط بيقول لشاب بيضربه “بتاخد 50 يورو يا روح أمك علشان تشتم في الرئيس مبارك” و طبعا نفس الكلام إتقالنا كلنا. و برضه كانوا بيقولوا لواحد واحد مننا قول “يعيش حسني مبارك” و إللي مايقولش يضربوه من الأول. كان واضح تماما إن التعامل كان مش على أساس إننا بلطجية بل مأجورين لزعزة أمن الوطن..
و من ضمن التجاوزات الإنسانية، كانوا بيزعقوا و يقولوا “هنا سجن أبو غريب” و يمسكوا شوية و مننا ينايموهم فوق بعض و يضربوهم.
كان في وسط الضرب شخص واحد صف ضابط كان كويس معايا و غليظ مع الباقين –بركة دعاكي يا أما- رد على أصحابي في الموبايل بأي كلام طبعا و أمنلي إستلامي لكل متعلقاتي إللي الحمد الله لم أفقد منها شئ.
من كانوا داخل جراج مجلس الوزراء
كنا حوالي 10 أو أكثر شوية بيتم ضربنا و تعذيبنا داخل الجراج. واحد أنا شخصيا متأكد إنه بلطجي بس بيضربوه على أساس إنه عميل. وواحد هارب من الجيش و ده تقريبا إتشتم بس. والباقي من الثوار فعلا!
في مجموعة ثانية من الثوار إتمسكم في إعتصام الميدان نفسه و دول كانوا حوالي 17 أو أقل شوية. ودول كان فيهم حوالي 5 بلطجية فعلا. المجموعة دي ماكنش باين عليها أثار ضرب أو تعذيب حتى البلطجية منهم. و لكن قالوا إنهم إتعرضوا لصعق بالعصي الكهربائية!
تساؤلات تحيرني
هل فعلا ما حدث و خصوصا ما قيل يعتبر تصرف غير مسؤول من بعض أفراد الجيش؟ أم أنه تصرف مقصود لتوصيل رسالة؟ أم أنهم قلة مندسة على الجيش هو كمان؟
هل ما حدث كان بأمر مباشر من أحد القيادات؟ و هل سيتم محاسبتهم على ما حدث؟
خرق حظر التجوال لا يبرر التعذيب أو الضرب و لا يوجد أي مبرر أصلا فلماذا حدث هذا؟
هل ما حدث يدل على وجود إنفلات أو إنقسام في الجيش فيوجد من هم منتفعين من النظام السابق و يودون بقاءه في صورة مبارك أو غيره؟
ما سر تمسك الجيش بالستة شهور لتسليم السلطة رغم وجود دعوى لإنشاء مجلس رآسي مدني لقيادة الدولة لفترة أنتقالية مدتها سنة؟
محمد تركي
February 27, 2011
ألف سلامه عليك يا محمد …
مى عبد الرازق
February 27, 2011
لازم تتقدم ببلاغ للنائب العام – رجاء اتصل بمركز هشام مبارك عشان حد من المحاميين الحقوقيين يروح معاك
ولو ماعرفتش توصل لحد رجاء اتصل بى وانا ح اوصلك لحد
ماينفعش نسيب حقنا
حقك لازم يتاخد لا اعتذار ولا اى حاجة ح تبرر اللى حصل دة
Muhammad Mosa
February 28, 2011
شكرا جزيلا يا مي. عندك حق و أنا في أخ كان معانا هو محامي و أظن الشباب إبتدوا أو بيرتبوا لحاجة زي كده! و طبعا إن شاء الله هكون معاهم في الخطوات دي. و لو موصلتش لحاجة هحاول الإتصال بيكي.
و في حاجة أنا حقي هيرجعلي فعلا لما إن شاء الله ننجح لأن حساب الناس اللي زي دول في جو نظيف هايبقى سهل
nada hegazy
February 27, 2011
ولا يهمك يا محمد، مهما طال السجن مهما القهر، مهما يزيد الظلم من السجانة.. مين اللي يقدر ساعة يحبس مصر! حفظك الله أنت وكل الثوار الأحرار.. دولة الظلم ساعة
5a6er
February 27, 2011
Slamtak
Mohamed shaarawi
February 27, 2011
First sorry for English but no Arabic keyboard. I’m extremely sorry to what you have been through but your story make me feel minimal next to you. The fact that you gave this revolution part of your pain makes me envy you for being more of a hero. I have answered all tahrir calls but never had this painful honor. May your scarifies are not at vain.
Regards
weghatnazer1
February 27, 2011
لا تترك حقك ..ابحث عن الضابط الذي عذبك وتعامل معه بعنف انت وزملائك ..علقة سخنة تخللي كل واحد فيهم يفكر الف مرة قبل ما يمد ايده علي حد من الثوار تاني ..ده الحل في رأئيي
zmoliu
February 27, 2011
الموضوع واضح بالنسبة لى.. مصر دونا عن أى دولة فى العالم حالها حساس شوية لأننا متورطين فى أسخن قضية فى العالم قضية (مصر و اسرائيل)! .. أنا متأكد ان امريكا بتمارس ضغط ع الجيش لأن أساسا جيشنا مش جيش بمعنى ان أمريكا كانت بتدينا 1.3 دولار للجيش لتسليحه.. (كاسرة عين الجيش) ففى ضغط بتمارسه أمريكا فى عدم تلبية كل مطالبنا لأنها لو اتحققت هنتنقل نقلة كبيرة جدا و هنهدد اسرائيل فعلا أو ع الأقل هنبقى أقوى دولة فى الشرق الأوسط
أنا شايف ان الجيش فى انقسام جزء مؤيدنا معانا و جزء بيقول كفاية عليهم كده. أنا شايف الحل اننا نستمر فى الضغط لأننا لو سكتنا الجيش هيمنع المظاهرة تقوملها قومة تانى و ساعتها مش بعيد ندخل فى (مناوشات) مع الجيش و طبعا البلطجية ميتوصوش! .. فالاعتصام هو الحل
Mac
February 28, 2011
هذا اعقل كلام
المواحهه وليس الخنوع
نعتبر الفتره الماضيه هدنه
المواجهه ستؤدى انضمام اعداد اكثر من الجيش
فى البدايه فكريا وهذا هام جدا
وبعد فتره ليست بعيده سينفرط العقد حتى نشاهد اعلان تغيير الولاءات تباعا (مثل ليبيا الان)
وتجربه ليبيا غنيه عن اى تعليق فمن يواجه الشعب مصيره المحاكمه واحتمال اعدام القذافى عاليه
فان ارادو ان يختبروا صبر الشعب مره اخرى فنحن لها ولن تنكسر ارادتنا
fleur de Rif
February 27, 2011
الله يشفيك وينصركم
طول ما الطنطاوي موجود ما تستغربش
AMIRA
February 27, 2011
mesh 3arfa a2ol aeh a2ol ya khebt amly wala a2ol rabna yostor wala ad3t rabna anha tekon fe3lan kela mondasa bas begad lazm al mawdo3 da etnesher o nakhod 3aleh rad o tafserat mokne3a ya keda ya ema yob2a fe fe al mawdo3 ena o ana keda mesh hahaes be kher ana kalkana awy awy ana kolt an ahna khalas khelsna mn tahded al gahaz al 3azem al esmo al shorta eltla3elena haga gededa fe al mekadar
terry
February 27, 2011
ده كلام خطير جدا و خصوصا موضوع يعيش حسني مبارك ده, المفروض تنشر الكلام دى في كل حتة و تقدم بيه بلاغ للنائب العام, دي مش مسألة بسيطة ولا ينفع تمر كدة من غير محاسبة و كمان أنشرها في صفحة الجيش لو ينفع
ahmed
February 27, 2011
انتو هتخربوا البلد كتكوا نيلا. حرية اية و بتاع اية. انتو كبيركوا تلعبوا قولة
7apseka
February 27, 2011
هو إحنا بنضحك على نفسنا طب ما طبعاً ألجيش هو يد لمبارك وبعدين هو إنتم صدقتم إن ألمجلس ألعسكرى فعلاً اجتمع لوحدوا أوغصبن عن مبارك إزاى ا جدعان أللى دخل ألجيش يعرف إن الجيش ما يقدرشى يعمل حاجة مهما كانت رتبتوا إلا بموافقة كبيروا وكبير ألجيش طنطاوى وده بقى اكبر مساعد لمبارك وألمجلس أجتمع لأن مبارك أؤمروا بكدة لأنوا ما كانشى عندوا حل تانى غير إن جما زى ما وعدوا بتصية ألثورة فا بلاش نضحك على نفسنا ومطلوب حلول سريعة ودستور وأنتخابات ورئيس مدنى علشان يعرف يظبط ألناس دية ويارب يكون عمرو موسى نفسى حد من ألخارجية
moustafa shalaby
February 27, 2011
hi Mohammed i am one of those who arrested on 25 Feb. i am the bald one. i am working as a lawyer if you remember me ! any way can you send me your mobile number as we trying (me and 6 0f us) to find away to re correct what happened.
Muhammad Mosa
February 28, 2011
أنا بعتلك و معاكم إن شاء الله. و بعدين إنت و الرجالة كلهم ما تتنسوش, و ربنا يقدم اللي فيه الخير
Ahmed Ebied
February 27, 2011
Dear Mousa,
Ma3lsh 3la ely 7aslek , enta mat3rfnish, bas ana kont shayfek fi Code Camp, alf salama 3aleek ,wi isa da msh hayroo7 hadar … ana embra7 kont 7ader fi kaza egtam3 l shabab el e2telaf (ana msh menhom), bas ana kont 3ayez a3raf ezay nerod 3la ely 7asal yom el gom3a belel.
Bas ana kont 3ayez 2a2ol 7aga bas esm7ly ,ana kont henak l7ad el sa3a 8 belel keda, wi kol el nas 2alt mafish e3tsam … e5wan, a7zab mo5tlfa wi kol el nas ely fi el 2al2etlaf …. fa ana ra2yey eno lama yekon fi e3tsam ,ne3tsam kolna wi low mafish kolna nemshy ba3d el mozahra … 3shan low kol wa7d faker men dem3′oo a ely ye3mloo ,momken neb2a fi moshkla kebera b3d keda, fa ya reet (argowak 2a2bel nas7yety), neshof el a5bar 2bel ma ne3mal ay 5atwa ….wi ana wallahy wi nas ma3ya tany sa2lna 2bel ma nemshy eza kan fi e3tsam wla la2 ….
El 7aga el tanyia ely 3ayz 2a2olek 3aleeha, howa eny lama ro7et egtam3 fi 7ezb el gabaha, kan shady 7arab lesa gay mn egtma3 el 2e2tlaf wi 2all these things:
- Lazem shaifk yemshy this week howa wi el 7ekoma.
- Ye7loo aman el dawla this week.
- Ta7qiq wi explantation for what happened friday evening ….
low da ma7slesh meno 7aga, han3tsam tany ….
ely 7aslek enta wi 3′erk wasmat 3ar fi wesh el gesh ! wi rabana yag3loo fi mizan 7asantek isa.
wi tany alf salama 3aleek
Muhammad Mosa
February 28, 2011
كلنا متفقين على نقطة الإعتصام إللي قلتها. بغض النظر عن العدد اللي قل و سببه! ده ما يديش أي عذر للضرب و التعذيب ده غير الكلام الغير مسؤول طبعا إللي إتقال. عامة أنا شايف إللي حصل خير بكل المقاييس إن شاء الله
Ahmed Ebied
March 1, 2011
طبعا عندك حق ان مش مبرر للعنف ضد المتظاهرين والمعتصمين بغض النظر عن العدد, انا معاك ان اللى حصل ده خير ان شاء الله
ميادة
February 27, 2011
الحل استمرار الثورة … ورجوعها اشد واعنف من الاول … والف سلامة عليك .. ربنا يشل ايد ورجل الي ضربك
yaseen
February 27, 2011
لماذا لم تحترم الأقلية رأي الأغلبية بمغادرة الميدان
shady man
February 27, 2011
sad story, what a contrast between what you said in the video and the black eye..
thank you
Kaiser Moussa
February 27, 2011
مش فاهم شكر على ايه؟ مش المفروض اصلا انك تعرف ان فيه حاجة اسمها المجموعة ٢٨ نيابات ولا اي خرا
انت من الثوار اللي كتبوا تاريخ مصر
khld
February 27, 2011
قلبي معاك يا بطل
كله يهون علشان خاطر مصر
والطريق صعب وطويل
وما تنساش انت والشباب انكم واقفين قدام أنظمة فاسدة ترسخت منذ عشرات السنين
إن شاء الله تقوم بالسلامة
تحياتي لك ولكل المصريين الشرفاء
Asma
February 27, 2011
so sorry for what happened to you, thought that’s already over and we’ve started a new era in Egypt… however, this kind of things can’t affect us cuz we need to achieve our main goal! just started and there’s a long way to go through!
Good luck to you and the rest. Ta7ya Masr Horra
ibrahim
February 27, 2011
يا ريس الجيش زيه زي معظم الناس
وللأسف معظم الناس شايفة ان الناس في التحرير هبل وعبط
وعيال صغيرة بتاعة بابي ومامي
وعايزيين يخربو البلد
والجيش زي معظم الناس شايف كدة برضه بشكل غير رسمي
K
February 28, 2011
اناديكم
اشد على أياديكم
ابوس الأرض تحت نعالكم و أقول أفديكم
الف شكر من قلب واحد مصري
Ahmed Ramy
February 28, 2011
ألف سلامة عليك يا صديقي
انابطالب الجيش بالتحقيق في الي حصل وعايزين نعرف كلام الظباط والعساكر دول بيعبر عن رأي الجيش كله ولا رأيهم كلهم الشخصي!!!!
لو ده رأي قيادات الجيش نفسها يا ريت يخلوهم صرحاء معانا ويقولوا لنا من الآخر موقفهم بوضوح
أنا مارضيتش اعمل تويت – أو اتكلم على الفايس بوك في الموضوع ده علشان مانعملش تهييج للراي العام
بس احنا محتاجين نعرف موقف الجيش بوضوح وانه مع الثورة + ضد الثورة المضادة أو العكس
shahirmehran
February 28, 2011
السلام عليكم
الف سلامه يا محمد انا اعرفك من الميدان وشوفتك كتير هناك وبس مكنتش اعرفك ان انت عضو فى دى فى دى
انا ليس جاى من التحرير الان قبل حظر التجول
الجيش حاول يمشى الناس ومعرفش والناس فرضت امر واقع انهم قاعدين حتى لو ميتين
الجيش كان جايب كتيبه كامله ممكن تحتل القاهرة فى ميدان التحرير
على فكر انا متاكد الان ان هنالك انقسام فى الجيش لانه بيقول كلام فى التيلفزيون
انما على الارض الواقع كلام تانى
وشوفت ناس من مويدة مبارك من موقع الجمل واعترفو ان فى عضو مجلس الشعب اسمه
حجازى عن دارة المناشى والقناطر كان ضمن من يحشدون الفلاحيين والعمال وتجار المخدرات
وبعض من افراد العصابات الى ميدان التحرير وماعى تيلفونات الناس دة
ElBeltagy
February 28, 2011
الف سلامة عليك با محمد
أنا كنت معاك بوم الجمعة امام مجلس الشعب. وعرفت أهرب من الغدر الحصل.
أنت فديتنى أنا و شباب كتير فى اليوم الده من الضرب.
كلنا مدينين ليك
Muhammad Mosa
February 28, 2011
كلنا يا بلتاجي كنا رجالة و الستات كانوا كلهن أصل و مجدعة. ما فيش حاجة في إيدينا كلنا. بس اللي حصل كان خير و محدش من اللي كانوا معانا ندمان. الحمد الله. و كل إللي كانوا في الإعتصام هم السبب إن في ناس من إمبارح في التحرير. و الضجة اللي إتعملت علشانا ساعديتنا كتير. الرجالة برة و جوة وكلنا إيد واحدة و مطالب واحدة
Muhammad Mosa
February 28, 2011
شكرا للجميع على المساندة! و بالنسبة للمعارضين فأنتم أحرار طبعا! و لو ليكم مطالب دافعوا عنها. إحنا إخترنا الطريق السلمي منذ البداية و إخترنا التضحية بأرواحنا. نحن من تم الإعتداء علينا و حين واتتنا الفرصة دافعنا عن نفسنا. لكن في معظم الأوقات يقع علينا الظلم و نكمل لإيماننا القوي بنبل قضيتنا
دينا خطاب
February 28, 2011
أولا حمد الله على سلامتك يا محمد، طبعا انت مش هتفتكرنى بس انا كنت دفعتك فى الكلية
شفت الفيديو بتاعك الأول وبعدين قريت النوت دلوقتى لأن نوارة نجم كانت عاملالها شير
من ساعة ما سمعت باللى حصل يوم 26 الفجر وانا مش قادرة استوعب سببه والموقف مش مفهوم وغير مبرر على الاطلاق
سؤالى ليك: لما انت بتقول ان المعاملة فى إدارة الشرطة العسكرية ومدير الادارة كانوا كويسين جدا معاكم، ليه ماشتكتوش من اللى حصل معاكم ليهم وطالبتوهم بتقديم تفسير ورد اعتبار
يعنى نفسى افهم لما هما شايفين آثار ضرب عليكم وبالتالى بعتوكم للمستشفى مش أولى يفسروا ليه الضرب ده حصل من الأساس ؟؟؟
اتمنى انك تبعت دايما تطورات الحكاية دى لو ناويين تاخدوا فيها اجراء لأن يهمنى جدا أعرف هتوصل لايه لأن الناس محتاجة تحدد موقفها من الجيش بعد اللى حصل ده
وسلامتك مرة تانية
Muhammad Mosa
February 28, 2011
طبعا كل ضابط يسألني إيه اللي في وجهك ده أقولوا مسكونا و ضربونا في جراج مجلس الوزراء! يقولي عملت إيه أقوله معملتش حاجة! يرد ويقلي و إحنا هنضرب الناس من غير سبب؟! فأرد و أقول اللي متأكد منه يا فندم إني معملتش حاجة.
و على ده الحال في كل اللي يشوفني من الضباط لأول مرة! ده غير إن فعليا ما جتش فرصة إني أقول كل اللي حصل لأنه أفرج عننا بدون تحقيق.
و مش عايز بقى أقولك على العقول الصعبة و العقليات اللي شافة إنها الوحيدة إللي على حق و إنهم مستحيل يغلطوا أو إن حد يملي عليهم طلبات.
أنا لسة ناوي أكتب رأيي في إن الجيش لم يهئ أفراده للتعامل مع الموقف كواجب وطني و يفهمهم إن الثورة دي هي أول الطريق للحرية و الكرامة في البلد
dr, magdy al bitar
February 28, 2011
salamat ya mohamad ,,
bas el mowdoo3 kolo khatir we lazem may3adish keda ,,
ghair el darb we 2let el adab ,,
aih el kalam el gharib elly talbo menko teradedo da !!!!!!!!!!!!!!!
if u can post this page on el gaish web site ,, plus el na2eeb el 3am taba3n as u arranged with ur group how was arrested with u ,,
Monasosh
February 28, 2011
Here is the translation of ur post in English
http://ma3t.blogspot.com/2011/02/another-testimony-of-military-brutality.html
Thanks to our dear friend Alia Mosallam
دينا خطاب
February 28, 2011
وده كان نفس رد مدير ادارة الشرطة العسكرية !!!
يعنى ببساطة كده مكانش ممكن سؤال بسيط يتوجهله، ليه الظباط ضربونا، ولما انتم هتفرجوا عننا بدون تحقيق وبالتالى شايفين اننا معملناش حاجة يبقى ليه اتضربنا واتمسكنا ؟
اعتقد ان الموقف ده محتاج تصعيد ومحتاج يتاخد فيه اجراءات فورية وياريت بجد تمشوا فى الحكاية دى
وكلامك دلوقتى وصلنى فكرة ان حتى الجيش جواه ناس متخيلة ان الشعب متآمر وعامل انقلاب وان فيه أفراد من الجيش مواليين لمبارك والنظام السابق، وده بينسف فكرة ولاء الجيش للشعب من جذورها
Nabil Zayed
February 28, 2011
الجيش والحكومه تخادع شعب مصر :
حكم مبارك مصر من شرم الشيخ في السنوات الماضيه ثم جائت ثوره الشباب فماطل وتوعد ثم اتي بنائب ووزاره ، واخذ يماطل الي ان زحف الثوار الي قصر العروبه فلعب تمثليه التنحي لامتصاص غضب الشارع ورحل يدير البلاد من شرم الشيخ ، يلقي اوامرة الي شفيق فيقوم الاخير بالتنفيذ ، وقيادة الجيش ورئيس الوزاره من رجال مبارك السابقين – اذا لن يامر الجيش بحل وزاره شفيق الي ان يضغط شعب مصر بأكملة_بعد ان يفيق ويدرك الخدعة_فيدخل في مظاهرات عارمه جادة تفرض علي الجيش اقاله شفيق وتشكيل حكومه تسير اعمال من اسماء وطنيه يختارها الشعب ، عندئذ فقط_تسقط حلقه خداع الشعب وتري قياده الجيش ان الوقوف مع ارادة الشعب_اربح من التمسك بولائات قديمة__ عندئذ فقط يرحل مبارك وعائلته من شرم الشيخ ويمكن للحكومه الوطنيه مقاضاه مبارك للجرائم التي ارتكبت جنائيا ومدنيا__ عندئذ فقط يمكن استرجاع المال المسروق
Radwa Shalaby
February 28, 2011
سلامتك يا موسى
أنا مش فاهمة ازاي فكروا يفضوا الاعتصام بالقوة !! وازاي روح الشرطة لسة موجودة ؟؟… وازاي يعيش حسني مبارك ؟؟
في حاجات كتيرة اوي مش مفهومة .. المهم حمد الله ع السلامة
zaki osman
February 28, 2011
اظن انه مخطئ من يظن ان كل من فى النظام ليسوا يدا واحدة كل اللى ممكن نحصل عليه لو والدتنا دعت لنا ان تستجاب طلبات الاصلاح حمدا لله على سلامة الجميع وربنا يوفقكم لما فيه خير البلاد والعباد
Mohamed Hassan
February 28, 2011
Revolution
January 25
freedom 2 Egypt
ana m3ak ya Mohamed fe ay 7aga enta 3aoz t3mlha
Rabna m3ak ya a5oya we hat5od 7a2k mt2l2sh
tol ma anta 3la 7a2 htkml be2mr Allah
respect for you
Mohammed
February 28, 2011
للأسف هذا ما يحدث دائما مع أفراد الشرطة العسكرية وعليك ان تتخيل ما يحدث لمن يقع تحت أيديهم وماذا يحدث للمجندين المغلوب على أمرهم.
bood akila
February 28, 2011
الف سلامه عليك يا بطل …. …الارجح انه فيه انقسام فى الجيش ..وربنا يستر
Pam
February 28, 2011
Hey Man,
Some ppl are claiming that your black eye is fake and your claims are fake can you please post another video or take pictures that will prove that this is not fake? B/c it is really frustrating that they are saying what you went through did not happen..
محمد احمد
February 28, 2011
الف سلامه عليك يا بطل .. بجد اوعي تسكت علي حقك احنا عملنا الثورة دي عشان الحق يرجع لكل اصحابه لازم حقك يرجع
مصري
February 28, 2011
ألف سلامة عليك يا بطل
وربنا معانا وينصرنا
وعلي فكرة انا شايف ان الثورة بتسرق ولازم تنظيم وتوحيد للصفوف لازم لازم لازم
أحمد
February 28, 2011
أنا مش عارف ليه حاسس انهم مش جيش … ولو جيش بجد تبقى مشكلة كبيرة .. وان دلت فانما تدل على ان الجيش فعلا منقسم … لان في قيادة كبيرة في الجيش راحت التحرير في نفس الليلة وقالت للشباب انتوا غلطوا انكم مشيتوا من الميدان بعد ما مبارك اتخلع .. ولازم تحاولوا ترجعوا تاني
salma said
February 28, 2011
الشعب والشعب ايد واحدة، الف سلامة وتتقطع الايد اللي تتمد على الثوار ايا كانت
masr
February 28, 2011
كفاية تبرير للخطأ واستفزاز للجيش انتوا بالهمجية وعدم احترام القانون والفرعنة وفهمكم الخاطىء للديمقراطية اللى خليتوا أخلاق الشرطة كدة وآدى كمان الجيش بدأ يخرج عن شعوره ومش هاترتاحوا الا لما تبقى فوضى وحرب أهلية مافيش حاجة بتتغير مرة واحدة كل شيىء محتاج وقت وفى أولويات ومافيش حاجة اسمها بالارهاب تنفذ ليكم مطالبكم بوظتوا سمعة الثورة وأتمنى من الجيش ينفذ القانون ويسجن كل من يتواجد فى الميدان بعد 12 مساءا 6 شهور فورا انتوا مش أقوى من القانون
Muhammad Mosa
February 28, 2011
لو عايز أو عازة تضيفي حاجة زي يضربوهم أو يعذبوهم و يهينوهم ممكن على فكرة. و يقوللنا الكلام اللي إتقال عادي مافيش مشكلة.
على فكرة الإعتصام تعبير سلمي عن الإصرار. ما فهوش أي تعدي على أي حاجة علشان الناس اللي بتعتصم ناس محترمين والله! و يعني ما كان فيه حظر تجوال لما كان مبارك موجود! كان إيه رأيك ساعتها؟
sendsecret
February 28, 2011
انتم لو تلاحظوا ان اللي طلع يقول ان في بلطجية كانوا في ميدان التحرير هو اللواء ابراهيم عتمان و هو نفس اللواء اللي كان بيطلع في اول الثورة ايام ما كان الجيش بيحاول يفض الاعتصامات و كان بيدعي الحياد و هو بيفتش كل اللي داخل الميدان و ساب عليهم امن الدولة و البلطجية وهو اللي قال ان الجيش هيعاقب اي حد لابس ملابس عسكرية و هو مشعسكري و انا شايف انه بيمثل فصيل معين في الجيش ضد الثورة و لسه بيحاول يجهضها و دايما تصريحاته شبه النظام القديم و اعتقد ان الفصيل ده بيساعد امن الدولة و الشرطة انهتلبس لبس الجيش و تعمل فيكم اللي هي عايزاه
Muhammad Mosa
February 28, 2011
أنا بعتذر عن إن التعليقات بتطلع متأخر! أصلي بتأكد من إنها مش سبام أو إن مافيهاش ألفاظ خارجة! بس طبعا كل واحد حر يقول اللي هو عايزه
hesh12269
February 28, 2011
نيابة عن كل الشعب المصري أقدم الإعتذار
اللي مزعلني ان الناس مش عايزة تصدق إن الجيش مهمته في عهد النظام البائد هي المحافظة علي سلامة رأس النظام
المشير أخد وعد منه إنه لن يحصل علي لقب وزير دفاع سابق ولكن وزير دفاع راحل
المشير وطقم الجنرالات اللي معاه ولاؤهم وانتماؤهم مش للشعب ولا البلد
المشير بقاله كام سنة في الوزارة؟؟
كل الجنرالات بقالهم كام سنة في وظايفهم القيادية؟؟
!!كلهم كبروا واترعرعوا في حضن النظام الفاسد
أنا عندي حقايق كتير عن فساد المشير!!!!!!!!!! وأكتر وأكتر
هضرب لك مثل واحد بس
الشركة الوطنية للطرق اللي مسؤولة عن طريق القطامية العين السخنة, الطريق ده إيراده اليومي مليون ونصف جنيه!!!!! أيوة مليون ونصف
مدير الشركة لواء اسمه/ سعيد ناصف بقاله 10 سنين مدير
ونسبته كام من الإيراد 3% يعني دخله اليومي 45 ألف جنيه يوميا
بقيت الإيراد لوزير الدفاع
بعيد عن ميزانية الدولة وميزانية الوزارة وأي ميزانية وده مشروع واحد من ضمن المشاريع المنوط بها للوزارة
الفساد متأصل ولو الثورة منجحتشي في إبادة الفساد يبقي أجهضت والجنين عليه العوض ودم الشهداء راح هدر وإنا لله وإنا إليه راجعون
hesh12269
February 28, 2011
ارفع رأسك فوق أنت مصري
ismail
February 28, 2011
انا عندي سؤال :- يا ترى لما الحكومه تتشال الناس البتعمل الاعتصامات دي هتروح بيوتها ولا لأ ؟؟؟؟
انا شايف ان مطالب الشعب اتحققت بنسبة 99% وبالتالي 99% من الناس النزلت يوم 28 يناير المفروض انها مش هتنزل تاني , بس لسه فيه 1% من المطالب يعني لسه 1% من الناس مستعدين ينزلوا زي الجماعه الكانوا في التحرير يوم 26الجمعه فبراير بس دا طبعا ميرضيهمش انهم يكونوا بالعدد الصغير ده , يبقى الحل نستفز الجيش و ندي فرصه للبلطجيه العيزينها تولع و اكيد هتحصل مشاكل و مواجهات مع الجيش و المستفيد الاكبر منها هي الناس النزلت عشان هيكسبوا تعاطف ناس كتير و يخلوا الجمعه الجايه ناس اكتر بكتير تنزل عشان فهموا ان النظام الفاسد لسه موجود و ان الجيش عميل و للاسف انا شايف الناس دي معندهمش مانع لو حال البلد وصل لحالة ليبيا او حتى العراق بس المهم اننا نبقى حققنا الديمقراطية 100% في اسرع زمن و الله ينور
لو انت ديمقراطي بجد انشر رأيي
Muhammad Mosa
February 28, 2011
أنا نشرت رأيك مش علشان أنا ديمقراطي عامة هو طالما الكلام مافهوش ألفاظ خارجة فا مفيش مانع إني أنشره. بس هل كده إنت إقتنعت إني ديمقراطي أكيد لأ! و بالنسبة لل 99% من المطالب إللي إتحققت فواضح إن حضرتك مالكش مطالب أصلا و ده مش عيب.
حضرتك ممكن تراجع المطالب اللي كانت متلخصة في كلمة إسقاط النظام https://www.facebook.com/note.php?note_id=113547712055711
mohamed saleh
February 28, 2011
حمدلله علي السلامه يا بطل
Aki
February 28, 2011
انا متهيألي انهم مش جيش أو شرطة عسكرية , ليه ميكونوش تبع أمن الدولة
Muhammad Mosa
February 28, 2011
لأ جيش إللي قبضوا علية جيش و اللي سلموني ليهم جيش واللي رحلوني جيش
عماد المصرى
February 28, 2011
السر وراء بقاء حكومة احمد شفيق وحرمية الثورة وذيول النظام السابق يجب الاسرار على رحيل الحكومه وتكوين حكومه من الرجال الشرفاء المشهود لهم بالنزاهة والشرف ويجب المبيت ليلة السبت صباحة جمعة الخلاص من ذيويل النظام السابق فهؤلاء هم احصنه طروديه لعودة النظام الفاس
ismail
February 28, 2011
يا استاذ محمد انا بالعكس انا ليا مطالب كتيره اوي و لاول مره من يوم ماتولدت احس ان فيه امل و اني اقدر اغير الحاجات الغلط الحواليا و ان الواحد يقدر يعيش في بلده بكرامه , و شايف ان الفساد كتير أوي و اكبر من مجرد تغيير رئيس حكومة او كل المحافظين , الفساد واصل لاصغر واحد في البلد , يعني انت مثلا عمرك ما مشيت عكس؟ و لا دفعت رشوة ؟ولا كوست على حاجه ؟, يبقى كلنا مع بعض لازم نستفيد من الثوره الحصلت و نغير من كل شيئ فاسد جوانا او حوالينا , بس بدون فوضى و باقل خسائر ممكنه و بدون المخاطرة بمصير البلد كلها زي ليبيا او العراق
Muhammad Mosa
February 28, 2011
عامة أديك شوفت الطلبات اللي مكتوبة ولو الجيش خذ موقف إيجابي منها يبقى إن شاء الله الوضع ها يتزبط! و اللي هو أصلا مافهوش فوضى على فكرة.
أنا واحد من الناس اللي خايفين الدنيا ما تتغيرش و كل اللي يحصل نشيل واحد و نجيب واحد تاني.
عامة وارد نكون مختلفين بس أكيد إن شاء الله من غير مشاكل أو نزاع
Sameh
February 28, 2011
اخى الفاضل .. الف الف سلامه عليك و حمد لله على سلامتك .. حبيت احيك على رجولتك .. من فضلك احتفظ فى الصوره دى علشان توريها لاولادك علشان يعرفوا انك بطل .. وانك اتسببت فى حصولهم على الحريه و الجنسيه المصريه … تحيا مصر بيك و ليك
Mohammed
February 28, 2011
Those scars and bruises are your medals. Your suffering is not in vain. We will prevail.
LuluWahed
February 28, 2011
I am very sorry for what had happened to you. I pray that those committed this hineous crimed on you and others will be punished soon insyallah. Wish you a speedy recovery and take care.
Al Hussainy Mohamed
February 28, 2011
أنا سمعت ان الناس اللي اتضربت يوم 28 رايحين عند النائب العام بكرة الساعة 12 والكلام تقريبا أكيد
Muhammad Mosa
March 1, 2011
إن شاء الله معاهم بكرة
karim badrawy
February 28, 2011
alf salama 3alik ya batal ana ba7awel akalemek bas mobilek mish beygama3
begad ana 7asit eno ana ely edarabt ,
law mobilak et3′ayar eb3atholy
Serag4000
February 28, 2011
شُكراً لتحملك ما عانيت نيابة عن فصيل من الشعب الغير مُقتنع بما يحدث الآن على أرض الواقع. و شُكراً لتوثيقك للأحداث، و أدعو من الله أن أكون على خطأ فى قرائتى للواقع المصرى
Ahmed Yahia
March 1, 2011
Salamtak ya basha, and the solution is to continue our revolution.
ابراهيم
March 1, 2011
حمد لله على سلامتك يا بطل وحسبي الله ونعم الوكيل فيهم
An Egyptian in the UK
March 1, 2011
ألف حمد لله على سلامتك وربنا قادر على كل ظالم إن شاء الله. باراك الله فيك وفي أهلك
Ahmed
March 1, 2011
حمد لله على سلامتك يا بطل
الكلاب دول بيلعبوا لعبة
good cop/bad cop
دول مرضي و جبناء
أيه الشجاعة في التكتل حوالين العزًّل و ضربهم بهذه الوحشية
أسد علي و في الحروب…
mmm
March 1, 2011
تستاهل يا محمد علشان انتا قليل الادب واى واحد يروح مدان التحرير تانى دلقتى هيكون قليل الادب ومش خايف على بلدة ويكون فعلان ماجورررر
Sayed
March 1, 2011
كداب جدا و شخص مالكش لازمه و عايز تعمل شهره
انا لو من القوات المسلحه اعلقك فى ميدان التحرير بعد ما اغسلك الماكياج من على عينك
Ahmad Gubr
March 1, 2011
ألف حمد لله على سلامتك يا باشمهندس وربنا العدل القادرعلى كل ظالم
إن شاء الله يكون في ميزان حسانتك و يقر عينك بالنتيجة النهائية
بعون الله لن نستسلم حتى نقضي على الفساد و الظلم
Kamal
March 2, 2011
I am furious, and so upset, to a degree of despair of this system. We thought that we are not going back, but at t he same time filth and corruption of 30-59 years would not be wiped out overnite, or over 18 days. It will take sometime, to rectify all that. And don’t forget that there are bad and evil people in every place and all times. But the miracle of this revolution which no one expected to happen -especially me- proves that Allah may give “ALZOLM” some time, but NEVER forgets.
I am sorry that I am not there to give a hand. I am sorry that I am from a previous generation, which was not able to do what you guys have done. I could find all the excuses in the book for that, but none of them convinced me -myself- yet.
May Allah be with all of you
ياسمين ابراهيم
March 2, 2011
طبعا طبعا طبعا ألف سلامه عليك ربنا يعافي عنك سريعا ان شاء الله
و رغم أني مختلفه مع الناس الي بتنزل الميدان تاني و لكن أحترم فيك الاصرار و رغم أني مقتنعه أننا مختلفين على الطريقه لكننا متنقين في حب مصر فعلا
بس أنا نفسي أننا خلاص نوقف تظاهر و اعتصامات و نقدم طلباتنا مباشرة لأن الحق معانا تبقى القوه معانا برضه
بس بالله عليكم بلاش نمسك في الفرع و نسيب الأصل يعني الأهم اننا نطلب حل أمن الدوله و حل الحزب الوطني عن اننا نقول نشيل شفيق
و كمان أنا شايفه أنه مافيش انقسام في الجيش بس لازم نعرف أن أكيد مش كل الجيش ملايكه أكيد في منهم غلط و بالنسبه للي قال الجيش ماعلمهمش يتعملوا ازاي مع المواطنين فلازم تاخد بالك ان ده أصلا مش وظيفتهم و كمان ماكنش في وقت كافي لتعليمهم و كمان شايفه أن أي حد شرطه أو جيش للأسف مهما حاول يكون بعيد عن الظلم برضه في حاجات بتقع منه بحكم طبيعة المهنه
بس بجد بالله عليكم بلاش اعتصام خلاص و خلينا نقدم مطالبنا على طول و ياريت تضمونا ليكم بلاش تهمشونا و تتكلموا بلسانا من غير ما يكون لينا رأي أو دور معاكم خلينا كلنا نبقى بجد واحد
شكرا ليك و ألف سلامه عليك تاني
انتيجون
March 30, 2011
ا.محمد حمدالله علي سلامتك .. ارجو انك تحتمل رأي وان كان ممكن يكون مستفز لناس كتيره اوي .. انا عندي ٣٤ عام لكن بصراحه كنت من الناس اللي قررت تروح من التحرير بعد تاني خطاب من الرئيس .. انا شخصيا لا اصدق ان مبارك كان فاسد او حرامي .. ومافيش اي دليل قطعي مادي علي السفسطه دي حتي الان ومش عايزه اضيع فيها الكلام .. لكن مصدقه في فساد كل من حوله وفي نفس الوقت فاهمه ان الفساد ده كان موجود من ايام عبد الناصر وان كانت الاسماء اختلفت وفهمت ان بتوع التحرير وقعوا في مطب يرحل من غير ما ينظروا الي الصوره الكبيره الا وهي ان كل القوي العسكره في البلد هي حبل واحد طويل لافف علي البلد كلها .. لكن بالوان مختلفه .. يعني الجيش وامن الدوله والامن المركزي والصاعقه والشرطه بكل انواعها حبل واحد … مفيش اي فروق بينهم ،،، وللامانه الجهاز الوحيهد اللي باشعر انه ممكن يكون نضيف هو المخابرات العامه .. اديكم شلتم شفيق .. ومفيش حاجه اتغيرت غير ان الاخوان انتهزوا فرصه وجودكم انتم في التحرير واستعملوا كل من في التحرير عرايس ماريونت يوصلوا بهم الي الحكم مقابل ان الجيش يفضل سليم ومحدش يكلم عن المليارات العمولات لكل قادته واللي معروفه لكل الناس !!! الدوله المدنيه اللي نفسكم فيها بجد للاسف ان ال٦٠٠ شهيد اقل بكتير اوي عليها لانها علشان تتعمل عاوزه بحور دم .. انت بتهدم ٧٠ سنه حكم عسكري وفكر اتكالي قمعي معشش في النفوس قبل ما يعشش في الاماكن وده خامس مستحيل في الوقت القريب ….
mohamed ahmed
August 6, 2011
حسبى الله ونعم الوكيل
احمد الصادق القطار
August 29, 2011
مشكووور